Ilmli ayol – jamiyat koʻzgusi

         Bugungi kunda yurtimizda xotin-qizlarning huquq va manfaatlarini taʼminlash, iqtisodiy, ijtimoiy va siyosiy faolligini oshirish davlat siyosatining muhim yoʻnalishi sifatida belgilangan. Bu borada tizimli ishlar amalga oshirilmoqda.

         Xotin-qizlarning zamonaviy bilim va kasb-hunarlarni oʻrganishlari, bandligini ta’minlash, olima qizlarni qoʻllab-quvvatlash, talaba qizlarni boʻsh vaqtlarini mazmunli tashkil etish hamda “Insonga eʻtibor va sifatli taʻlim yili” Davlat dasturi ijrosini ta’minlash maqsadida Fiskal institutda “XXI asr ayoli” festivali doirasida “Ilmli ayol-jamiyat koʻzgusi” tadbiri bo‘lib o‘tdi.

          Tadbirda Uchtepa tuman hokim oʻrinbosari, Oila va xotin-qizlar boʻlimi boshligʻi Maktuba Kabulova hamda “Umrboqiy meros” Oʻzbekiston Madaniyati va san’ati targʻibot Markazi direktor oʻrinbosari, filologiya fanlari boʻyicha falsafa doktori, Navoiyshunos olima Ziyoda Gʻaforovalar  bilan “Bitta qiz bolani oʻqitsangiz - butun oilani oʻqitgan boʻlasiz” mavzusida davra suhbati oʻtkazildi.

          Davra suhbatida ishtirokchilar oʻzlarining bugungi kunga qadar erishgan yutuqlari, ota-onalarining qoʻllab-quvvatlashlari sabab olima ayol boʻlguniga qadar bosib oʻtgan yoʻllari haqida gapirib oʻtdilar. Talaba-qizlar ushbu uchrashuvdan katta taassurotlarga ega boʻlib, oʻz oldilariga kelajakda yuqori marralarni zabt etuvchi ilmli ayol boʻlishni maqsad qilib qoʻydilar.