Fiskal institutda 2024-yil 15-16-mart kunlari Respublika konferensiya oʻtkaziladi

Fiskal institutda 2024-yil 15-16-mart kunlari “Fiskal barqarorlikni taʼminlashda zamonaviy tendensiyalar,  istiqbollar va rivojlanishning  ustuvor yoʻnalishlari” mavzusida respublika konferensiya oʻtkaziladi.

KONFERENSIYADA KOʻRILADIGAN MASALALAR:

1. Oʻzbekistonda fiskal barqarorlikni taʼminlashda soliq maʼmurchiligining dolzarb vazifalari va ularni amalga oshirishning metodologik asoslari.

2. Fiskal barqarorlikni taʼminlashda buxgalteriya hisobi, iqtisodiy tahlil va auditning dolzarb masalalari.

3. Soliq organlarida raqamli iqtisodiyotni rivojlantirish: muammo va yechimlar.

Konferensiya tili: oʻzbek, rus va ingliz tillari.

Konferensiya qatnashchilari: konferensiyada professor-oʻqituvchilar, doktorantlar, mustaqil izlanuvchilar, magistrlar, talabalar va soha mutaxassislari ishtirok etishlari mumkin. Konferensiya materiallari chop etiladi va konferensiyaga ishtirok etgan mualliflarga elektron nusxasi yuboriladi.

Maʼruza matnlarini rasmiylashtirish boʻyicha talablar:

• Konferensiya materiallari 14 oʻlchamdagi shriftda 1 intervalda, 3-5 varaq hajmda Times New Roman shriftida yozilgan va tahrir qilingan boʻlishi lozim;
• maʼruza mavzusining yuqorisida muallifning ismi, sharifi, lavozimi, ilmiy darajasi va unvoni, ish joyi, telefoni va elektron manzili toʻliq koʻrsatilishi kerak. Mavzudan keyin annotatsiyasi, kalit soʻzlari uch tilda (oʻzbek, rus, ingliz) va mazmuni toʻliq yoziladi.
• maʼruzaning oxirida alohida ilmiy-nazariy va amaliy ahamiyatga molik taklif va tavsiya berilishi shart.
• matnni joylashtirishda sahifaning chegaralari: yuqoridan – 2,5 sm, pastdan – 2,5 sm, oʻngdan 2,5 sm, chapdan – 2,5 sm. oʻlchamda belgilanadi;
• maʼruza matni 1 nusxa qogʻozda va elektron variantda RTF formatida taqdim etiladi;

Muddat: tezislar 2024-yilning 10-martga qadar qabul qilinadi va konferensiyaga qadar chop etiladi.

Eslatma: tezislar konferensiyaning qaysi yoʻnalishga moʻljallanganligi aniq koʻrsatilishi lozim. Tegishli talablarga javob bermaydigan, ilmiy-amaliy tavsiyaga ega boʻlmagan va kechikib topshirilgan ishlar konferensiya materiallariga kiritilmaydi va muallifga qaytarilmaydi.

Bogʻlanish uchun telefonlar:

E-mail: Sodiq.Boymurotov@soliq.uz

Telegramda +99890 320 38 43: Boymurotov Sodiq Rozziqovich

E-mail: ffayziev84@gmail.com

Telegramda +99891 418 03 80:  Fayziyev Farrux Abdullaxoʻjayevich