O'ZBEKISTON RESPUBLIKASI
DAVLAT Soliq qo'mitasi huzuridagi
FISKAL INSTITUT

 O‘zbekiston Respublikasi Davlat soliq qo‘mitasi huzuridagi Fiskal institut O‘zbekiston Respublikasi Prezidentining 2020 yil 4 noyabrdagi “O‘zbekiston Respublikasi Davlat soliq qo‘mitasi huzurida Fiskal institutni tashkil etish to‘g‘risida”gi PQ-4879-son qaroriga muvofiq tashkil etilgan bo‘lib,  soliqlar va soliqqa tortish sohasi uchun oliy maʼlumotli mutaxassislar va ilmiy kadrlarni tayyorlash, qayta tayyorlash va ularning malakasini oshirish bo‘yicha tayanch oliy taʼlim muassasasi bo‘lib hisoblanadi. Shuningdek, moliyaviy nazorat va audit hamda soliq, moliya va tijorat huquqi, iqtisodiyotda axborot texnologiyalari sohalarida kadrlar tayyorlash va yuqori darajada fundamental hamda ilmiy-amaliy tadqiqotlar olib borilishini taʼminlaydigan oliy taʼlim muassasasi hisoblanadi.

Institut quyidagi taʼlim turlari asosida o‘qitishni amalga oshiradi:

Bakalavriat – taʼlim yo‘nalishi bo‘yicha fundamental va amaliy bilimlar beruvchi, o‘qish muddati uch yildan kam bo‘lmagan  tayanch oliy taʼlim bosqichi bo‘lib, kunduzgi, sirtqi, maxsus sirtqi va kechki shakllarda amalga oshiriladi va uni tamomlaganlarga davlat attestatsiyasi yakunlariga ko‘ra bakalavr darajasi hamda davlat namunasidagi diplom beriladi;

Magistratura – bakalavriat negizida muayyan mutaxassislik bo‘yicha fundamental va amaliy bilimlar beruvchi, o‘qish muddati bir yildan kam bo‘lmagan oliy taʼlim bosqichi bo‘lib, uni tamomlaganlarga davlat namunasidagi diplom beriladi;

Malaka oshirish – Davlat soliq qo‘mitasining buyurtmasi asosida davlat soliq xizmati organlari xodimlari uchun tashkil etiladigan o‘quv kurslari;

Qayta tayyorlash – Davlat soliq qo‘mitasining buyurtmasi asosida davlat soliq xizmati organlariga yangi ishga qabul qilingan xodimlar uchun tashkil etiladigan o‘quv kurslari;

Ikkinchi taʼlim – Davlat soliq xizmati organlarida xizmat qilayotgan boshqa mutaxassislikka ega oliy maʼlumotli bo‘lgan xodimlarni shartnoma asosida bir yillik soliq va soliqqa tortish yo‘nalishida o‘qitish;

Pullik taʼlim xizmatlari – xo‘jalik yurituvchi subyektlar va fuqarolar buyurtmasi asosida tegishli yo‘nalishlar bo‘yicha shartnoma asosida tashkil etiladigan taʼlim xizmatlari.

Institut tuzilmasida Rossiya Federatsiyasi Hukumati huzuridagi Moliya universitetining fakulteti tashkil etilgan.

Institut huzurida Toshkent Farg‘ona va Buxoro soliq texnikumlari tashkil etilgan.

Institutning “Soliqlar va soliqqa tortish”, “Buxgalteriya hisobi va audit” va “Raqamli iqtisodiyot” bakalavriat taʼlim yo‘nalishlari bo‘yicha bir yillik to‘lov kontrakti miqdori barcha taʼlim shakllari (kunduzgi va sirtqi) uchun bir xil, yaʼni  2020- 2021 o'quv yuili uchun kontrakt summasi 23 million so‘m qilib belgilangan.

Rossiya hukumati huzuridagi Moliya universiteti bilan xamkorlikda tashkil etilgan qo‘shma taʼlim dasturi uchun to‘lov kontrakt miqdorlari quyidagicha:

 

“Xalqaro soliqqa tortish va bojxona faoliyatini tartibga solish” bakalavriat taʼlim yo‘nalishida: 1-2-kurs Fiskal institutida (Toshkent) – bir o‘quv yiliga 28 mln. so‘m; 3-4-kurs Moliya universitetida (Moskva) – bir o‘quv yiliga 380 000 rubl.

 

“Xalqaro soliqni rejalashtirish” magistratura mutaxassisligida: 2020- 2021 o'quv yuili uchun kontrakt summasi 33 mln.so‘m Fiskal institutida (Toshkent); 350 000 rubl Moliya universitetida (Moskva).

 

O‘zbekiston Respublikasi Davlat soliq qo‘mitasi huzuridagi Fiskal institutni daromadlari                                                                   hamda xarajatlari to‘g‘risida                                                Ma'lumot
    (в тысячах сумов
chorak daromadlar xarajatlar
I квартал 2021 года               117 304,7                                    852 783,2   
II  квартал 2021 года            1 561 186,9                                1 545 225,3   
III  квартал 2021 года            8 049 653,0                                1 754 640,1   
     

 

 

FOYDALI RESURSLAR

prev
next