Institutimizda juda ham koʻplab iqtidorli talabalar tahsil olib kelmoqda. Bugun shunday talabalarimizdan biri Ozodbek bilan boʻlib oʻtgan qiziqarli suhbatni eʼtiboringizga havola etamiz!
- Assalomu alaykum. Ozod, oʻzingiz haqingizda qisqacha gapirib bera olasizmi?
- Assalomu alaykum. Men Orifboev Ozod, Fiskal institut Soliqlar va soliqqa tortish yoʻnalishi 2-bosqich talabasiman.
- Fiskal institutni tanlashingizga kim yoki nima sababchi boʻlgan?
- Variantlarni oʻrganar ekanman, yaqinda uydan uncha uzoq bo‘lmagan joyda yangi institut ochilayotganini payqadim va soliq nuqtai nazaridan bu eng yaxshi tanlov deb oʻyladim.
- Darslardan boʻsh vaqtingizda qanday mashgʻulotlar bilan shugʻullanasiz?
- Dars mashgʻulotlaridan keyin bir korxonada buxgalter sifatida faoliyat yuritaman.
- Oʻzingizning 3 ta yutuq va kamchiliklaringizni ayta olasizmi?
- Kuchli tomonlarimdan biri bu koʻplab vazifalar bajarish, xotirjamlik va maqsadga muvofiqlik. Zaif tomonimga kelsak, rostini aytsam, men biroz dangasaman, kamdan-kam hollarda tashabbus koʻrsataman va baʼzida nima qilishim kerakligini unutib qoʻyaman.
- Xalqaro soliqqa tortish olimpiadasida institut jamoasi bilan ishtirok etib, faxrli oʻrinlarni qoʻlga kiritdingiz. Musobaqa haqidagi taassurotlaringizni biz bilan boʻlisha olasizmi?
- Olimpiadadan yorqin taassurotlar oldik, katta tajribaga ega boʻldik. Men musobaqada munosib ishtirok etdik deb oʻylayman. Shunday boʻlsa ham, "gʻalaba qozonishimiz mumkin edi" degan fikr meni hamon tark etmayapti.
- Navroʻz arafasida Institut tomonidan pul mukofotlari bilan taqdirlandingiz. Ushbu mukofot pulini qanday sarflash haqida oʻylab koʻrdingizmi?
- Oilam bilan maslahatalashib, ushbu mablagʻni kelgusi oʻquv yili shartnoma toʻlovi uchun sarflashga qaror qildik.
- Muvaffaqiyatga erishish yoʻli nimada deb oʻylaysiz?
- Men uchun muvaffaqiyatga erishish yoʻli shunchaki qilayotgan ishingizga ishonishdir, zero ishonch boʻlmasa, maqsadingizga erisha olmaysiz.
- Kelajakdagi rejalaringizni biz bilan boʻlisha olasizmi?
- Bu men uchun eng qiyin savol boʻlsa kerak. Sababi, men hech qachon kelajakni rejalashtirmayman. Ammo, ehtimol yaxshi martabani egallash hozirda asosiy maqsadlarimdan biri desam xato boʻlmaydi.
- Ozodbek, intervyu berganingiz va oʻz fikr-mulohazalaringizni institutimiz talabalari bilan baham koʻrganingiz uchun Sizga minnatdorchilik bildiramiz. Umid qilamizki, tengdoshlaringiz ham ilmga chanqoq boʻlib, Siz kabi institutimizga Xalqaro musobaqalarda gʻalabalarni olib kelishadi!
- Intervyuga taklif qilganingiz uchun Sizga minnatdorchilik bildiraman.
Fiskal institutda 2024-yil 15-16-mart kunlari “Fiskal barqarorlikni taʼminlashda zamonaviy tend...
Kirish: Sun’iy intellekt (AI) hayotimizning turli jabhalarida, oddiy vazifalarni avtomatlashtiri...
“Fiskal siyosat va soliqqa tortish mexanizmini takomillashtirish bo‘yicha xalqaro tajriba” xalqa...