"Ayollarni tazyiq va zo‘ravonlikdan himoya qilish: Oilada, jamiyatda va davlat idoralarida"

          So‘nggi yillarda davlatimiz rahbari tashabbusi bilan xotin-qizlar masalasi, ularning turmush sharoitlarini yaxshilash, maishiy hayotdagi muammolarini hal qilish, iqtidori va imkoniyatlarini yuzaga chiqarish uchun qulay shart-sharoitlar yaratilmoqda. Oilada, jamiyatda, ayniqsa, xotin-qizlarning ijtimoiy hayotdagi faolligini oshirishga alohida eʼtibor qaratilayotgani natijasida ijtimoiy munosabatlarda ham, qonunchilikda ham katta o‘zgarishlar amalga oshirilmoqda.

          Soliq qo‘mitasi huzuridagi Fiskal institutda xotin-qizlar uchun yaratilayotgan shart-sharoitlar haqida ma'lumot berib, ularni tazyiq va zo‘ravonlikdan himoya qilish to‘g‘risidagi qonun-hujjatlari bilan tanishtirish maqsadida O‘zbekiston Respublikasi Ichki ishlar vazirligi xodimlari Nazokat Tojiyeva hamda Laylo Xazratqulovalar ishtirokida "Ayollarni tazyiq va zo‘ravonlikdan himoya qilish: Oilada, jamiyatda va davlat idoralarida" mavzusida davra suhbati bo‘lib o‘tdi.

          Uchrashuv davomida mutaxassislar mamlakatimiz rivojida, jamiyat hayotida, oilalar mustahkamligida xotin-qizlarning oʻrni va ahamiyati katta ekanligi, yurtimiz aholisining 50 foizini tashkil etadigan xotin-qizlar jamiyatning barcha sohalarida samarali faoliyat yuritib kelayotganini ta'kidlab o‘tdilar. Tadbir so‘nggida talaba-qizlar o‘zlarini qiziqtirgan savollarga mehmonlar tomonidan tegishli javoblarni oldilar.