Institutning “Soliqlar va soliqqa tortish”, “Buxgalteriya hisobi va audit” va “Raqamli iqtisodiyot” bakalavriat taʼlim yo‘nalishlarida bo‘yicha kunduzgi va sirtqi o‘qish shakllarida bir yillik to‘lov kontrakti miqdori 23 million so‘m qilib belgilangan.
Rossiya Moliya universiteti bilan xamkorlikda tashkil etilgan “Xalqaro soliqqa tortish va bojxona faoliyatini tartibga solish” kunduzgi bakalavriat qo‘shma dasturga to‘lov kontrakti miqdori quyidagicha belgilandi: 1-2-kurs Toshkentda – bir o‘quv yiliga 28 mln. so‘m, 3-4-kurs Moskvada – bir o‘quv yiliga 380 000 rubl.
Rossiya Moliya universiteti bilan xamkorlikdagi “Xalqaro soliqni rejalashtirish” kushma dastur magistraturasida to‘lov kontrakti miqdori quyidagicha belgilandi: o‘qishning Toshkentdagi qismiga – 33 mln. so‘m, Moskvadagi qismiga – 350 000 rubl.
Fiskal instituti talabalariga stipendiya beriladimi?
Kunduzgi taʼlim shaklida tahsil oladigan barcha bakalavriat taʼlim yo‘nalishi talabalari uchun stipendiyaning eng kam miqdori 600 ming so‘mdan belgilandi.
Rossiya Federatsiyasi Hukumati huzuridagi Moliya universiteti bilan qo‘shma ta’lim dasturlari asosida “Xalqaro soliqqa tortish va bojxona ishini tartibga solish” (“Mejdunarodnoe nalogooblojenie i tamojennoe regulirovanie”) yo‘nalishida bakalvrlar hamda “Xalqoro soliqlarni rejalashtirish” (“Mejdunarodnoe nalogovoe planirovanie) yo‘nalishida magistrlar tayyorlash rejalashtirilgan.
2021/2022 o‘quv yili uchun qabul kvotasi
t/r |
Ta’lim yo‘nalishlari |
Kvotalar |
||||||
umumiy |
kunduzgi |
sirtqi | ||||||
jami | o‘zb | rus | jami | o‘zb | rus | |||
1 |
Soliqlar va soliqqa tortish |
600 |
200 |
175 |
25 |
400 |
350 |
50 |
2 |
Buxgalteriya hisobi va audit |
300 |
100 |
75 |
25 |
200 |
150 |
50 |
3 |
Raqamli iqtisodiyot |
50 |
50 |
25 |
25 |
0 |
0 |
0 |
4 |
Международное налогообложение и таможенное регулирование |
50 |
50 |
0 |
50 |
0 |
0 |
0 |
Jami |
1000 |
400 |
275 |
125 |
600 |
500 |
100 |
Qo‘shimcha kontrakt (super kontrakt) asosida o‘qishga qabul qilish qonunchilikda belgilangan tartibda amalga oshiriladi.
Fiskal institutning bakalavriat yo‘nalishlari bo‘yicha kirish test sinovlari iqtisodiy ta’lim blokidagi fanlardan tashkil topadi. Eng yuqori ball matematika faniga beriladi. Test topshiriladigan fanlar soni va ketma-ketligi DTM tomonidan e’lon qilinadi.
Fiskal institutga qabul jarayoni O‘zbekitston Respublikasining barcha davlat oliy ta’lim muassasalari bilan bir vaqtda boshlanadi.
Fiskal institutda ta’lim o‘zbek va rus tillarida olib boriladi, ingliz tili chuqurlashtirilgan tarzda o‘qitiladi.
Fiskal institut bakalavr bosqichi yo‘nalishlarini tugatganlar “Soliq va soliqqa tortish”, “Buxgalteriya hisobi va audit”, “Raqamli iqtisodiyot” ixtisosliklaridan biriga ega bo‘ladilar.
Bitiruvchilar birinchi galda davlat soliq idoralariga ishga joylashadilar, shuningdek iqtisodiy kompleks tarkibiga kiruvchi vazirlik, idora va muassasalarda, korxona va tashkilotlarda, xususiy sektorda ishga joylashishlari uchun imkoniyatlar eshigi ochiq.
Fiskal institutga abiturientlar hujjatlarini qabul qilish jarayoni epidemiologik vaziyatdan kelib chiqib Respublikadagi barcha OTMlar uchun o‘rnatilgan tartibda amalga oshiriladi.
Abiturientlardan DTM tomonidan oliy o‘quv yurtiga kirish uchun topshirilishi belgilangan hujjatlar qabul qilinadi, birorta ham ortiqcha hujjat talab qilinmaydi.
Fiskal institutga istalgan o‘rta yoki o‘rta maxsus ma’lumot bilan hujjat topshirsa bo‘ladi, Institutga qabul barcha uchun ochiq.
Turdosh texnikumlar deganda O‘zbekiston Respublikasi Prezidentining 2019 yil 6 sentyabrdagi “Professional ta’lim tizimini yanada takomillashtirishga doir qo‘shimcha chora-tadbirlar to‘g‘risida”gi PF-5812-sonli Farmoni 3-badining d) kichik bandi uchinchi xatboshisi nazarda tutilgan, unga ko‘ra:
“d) texnikumlarda: o‘rta maxsus ta’lim dasturlarini muvaffaqiyatli tamomlagan bitiruvchilar o‘z sohasiga mos bakalavriat ta’lim yo‘nalishlari bo‘yicha kirish imtihonlarisiz yakka tartibdagi suhbat orqali oliy ta’lim muassasalarida 2-kursdan o‘qishini davom ettirish huquqiga ega bo‘ladi”.
Fiskal institutning bakalavriat bosqichiga 2-kursdan suhbat asosida qabul qilish turdosh texnikumlar bitiruvchilari va chet el fuqarolariga nisbatan tatbiq etiladi. Suhbat o‘tkazish vaqti, joyi va shakli tasdiqlanishi bilan keng jamoatchilikka etkaziladi.
Fiskal institutning bakalavriat bosqichiga 2-kursdan suhbat asosida qabul qilinishda DTM tomonidan Oliy o‘quv yurtlariga 2-kursdan suhbat asosida qabul qilishda topshirish belgilangan hujjatlar qabul qilinadi, birorta ham ortiqcha hujjat talab qilinmaydi. Xorijiy fuqarolar topshiradigan hujjatlar ro‘yxati belgilangan tartibda alohida e’lon qilinadi.
Chet tili sertifikatiga ega bo‘lgan abiturientlar uchun belgilangan imtiyozlar Fiskal institutda hisobga olinadi.
Umumta’lim fanlaridan milliy sertifikatga ega bo‘lgan abiturientlar uchun O‘zbekiston Respublikasida amalda bo‘lgan tartib joriy etiladi.
Fiskal institutda to‘lov-kontrakt asosida o‘qishga qabul qilinganlarning ta’lim olishi uchun yo‘naltiriladigan mablag‘larga jismoniy shaxslardan olinadigan daromad solig‘i bo‘yicha imtiyozlar joriy etiladi.
Magistraturaga qabul masalasi ayni paytda loyiha holatida.
2021/2022 o‘quv yilida ta’limning quyidagi bakalavriat yo‘nalishlarida talabalikka qabul qilinadi:
Soliq va soliqqa tortish;
Buxgalteriya hisobi va audit;
Raqamli iqtisodiyot.